“Гүнээсээ хайрлая” шагнал

1993 онд Нэгдсэн Үндэстний Байгууллагын Хүрээлэн буй орчин, Хөгжлийн тухай олон улсын хурлын (UNCED) үеэр дэлхийн усны тэмдэглэлт өдөртэй болох саналыг дэвшүүлж, улмаар НҮБ-ын Ерөнхий Ассамблейгаас 1993 оны 12 дугаар сарын 22-ны өдөр A/RES/47/193 тоот тогтоолоор жил бүрийн 3 дугаар сарын 22-ны өдрийг “Дэлхийн усны өдөр” болгон зарласан.  Манай улс 2005 оноос хойш тус өдрийг тэмдэглэж байна.

2024 оны Дэлхийн Усны өдрийг тохиолдуулан Засгийн газрын хэрэгжүүлэгч агентлаг Усны газар, “Оюу толгой” ХХК, Монголын Гидрогеологичдийн холбоо, ШУТИС-ийн Геологи, Уул Уурхайн Сургууль хамтран "Гүнээсээ хайрлая" усны шилдэг шийдлийн шалгаруулах уралдааныг анх удаа зохион байгуулж байгаа бөгөөд цаашид жил бүрийн Дэлхийн усны өдрөөр уламжлал болгон зохион байгуулах юм.
 
Энэхүү шагнал нь Монгол орны усны нөөцийг хамгаалах, зүй зохистой хэмнэлттэй ашиглах, бохирдол, хомсдолоос сэргийлэх, нөхөн сэргээх бодитой арга хэмжээг хэрэгжүүлж, байгаль дэлхийгээ хайрлан хамгаалахад үнэтэй хувь нэмэр оруулж байгаа иргэн, судлаач, аж ахуй нэгж байгууллагыг урамшуулах, дэмжих, алдаршуулах, олон нийтэд усны зохистой хэрэглээ, зөв дадал хандлагыг түгээн дэлгэрүүлэх, шилдэг шийдлүүдийг таниулан сурталчлах зорилго, ач холбогдолтой.
 
Шагналд нэр дэвшигчдээс материал хүлээн авах, шалгаруулах: Нэр дэвшигчийн холбогдох өргөдлийг "Гүнээсээ хайрлая 2024" усны шагналд нэр дэвших бүртгэл холбоосоор хүлээн авна.
 
Шилдэг байгууллага: Усны нөөцийг хамгаалах, хуримтлуулах, бохирдохоос сэргийлэх, бохирдлыг бууруулах, чанарыг сайжруулах, эргүүлэн ашиглах дэвшилтэт технологийг үйл ажиллагаандаа нэвтрүүлсэн, зохион бүтээсэн, бүтээн байгуулалт хийж бодит үр дүнд хүрсэн.
 
Шилдэг иргэн: Усны нөөцийг хамгаалах, бохирдохоос сэргийлэх, бохирдлыг бууруулах, хэмнэлттэй хэрэглэх чиглэлээр бодит үр дүнд хүрсэн, сайн туршлага сургамж бий болгосон.
 
Шилдэг судлаач, судалгааны баг: Сүүлийн гурван жилд газрын доорх усны судалгаанд шинэ дэвшилтэт арга аргачлал, технологийг нэвтрүүлсэн, шинээр боловсруулсан, бодит үр дүн гаргасан; ААН, хувь хүн, судлаач, судалгааны багийг тодруулна.

Та бүхэн өргөдлөө 3 сарын 15-ны өдрөөс өмнө явуулахыг урьж байна.

Шагналын сан:

• Гүнээсээ хайрлая аяны Шилдэг байгууллага – цом, батламж, 10 сая төгрөг;
• Гүнээсээ хайрлая аяны Шилдэг иргэн – цом, батламж, 5 сая төгрөг;
• Гүнээсээ хайрлая аяны Шилдэг судлаач – цом, батламж, зөөврийн компьютер.

(Танилцуулга видео татаж авна уу).
 
Холбоо барих:

Д.Түвшинжаргал /Усны газар/
Утас: 99031163