• MN
  • EN
  • CN
  • RU
  • Арга хэмжээ
    CANTON FAIR олон улсын үзэсгэлэн, бизнес аялалд урьж байна

    Монголын Үндэсний Худалдаа Аж Үйлдвэрийн Танхим нь БНХАУ-ын Гуандун мужийн Олон Улсын Худалдааг Дэмжих Хороотой хамтран 2018 оны 4 дүгээр сарын 15-19-ний өдрүүдэд Хятадын хамгийн том экспорт импортын 123  дахь удаагийн “CANTON FAIR” олон улсын  үзэсгэлэнг үзэж сонирхох зорилгоор бизнес групп зохион байгуулах гэж байна.

    Гуандун муж нь БНХАУ-ын үйлдвэрлэл хамгийн ихээр хөгжсөн  эртнээс нааш худалдааны томоохон хот байсаар ирсэн хамгийн хөгжингүй бүс - Хятадын хөгжлийн цонх болсон муж бөгөөд та бүхэнд энэхүү хөгжингүй мужийн үйлдвэрлэгч нартай танилцах боломжийг олгож байна.

    Тус үзэсгэлэнд төрөл бүрийн барилгын материалаас гадна дараах бараа бүтээгдэхүүн дэлгэн тавигдана. Үүнд:

    1. Электрон бараа болон гэр ахуйн цахилгаан бараа
      Цахилгаан бараа
      Компьютер болон холбоо мэдээлэл
      Гэр ахуйн цахилгаан бараа
    2. Гэрэлтүүлэг болон дагалдах хэрэгсэл
      Гэрэлтүүлгийн систем ашиглах: Аж үйлдвэрийн гэрэлтүүлэг, засал чимэглэлийн гэрэлтүүлэг, дохиоллын гэрэл, тайзны гэрэл,
      албан тасалгааны гэрэл, зар сурталчилгаа үзэсгэлэнгийн гэрэл, орон сууцны гэрэл
      Гэрлийн чийдэн: Өдрийн гэрэл, сүүн гэрэл
      Чийдэнгийн сэлбэг: гэрлийн бүрхүүл, гэрлийн тулгуур, гэрлийн патрон, цахилгаан гүйдэл тогтворжуулагч, цахилгаан гүйдэл хувьсгуур, тохируулагч, солигч
    3. Авто тээврийн хэрэгсэл болон дагалдах сэлбэг хэрэгсэл
      Унадаг дугуй, сэлбэг
      Мотоцикл, сэлбэг
      Автомашины сэлбэг, Автомашины гоёл чимэглэл
      Машин
    4. Машин механизм
      Уул уурхайн, Хүнд машин механизм
      Газар тариалангийн тоног төхөөрөмж
      Хүнсний тоног төхөөрөмж
      ЖДҮ-ийн тоног төхөөрөмж
      Бага оврын тоног төхөөрөмж
      Том оврын тоног төхөөрөмж
      Барилгын тоног төхөөрөмж
    5. Төмөр багаж хэрэгсэл
      Гэр ахуйн төмөр эдлэл, засал чимэглэлийн төмөр эдлэл, түгжээ болон сэлбэг, цоолтуур, гагнуурын материал, нам даралтын хаалт, ширэм, төрөл бүрийн төмөр эдлэл
      Хэмжүүр, үрэгч, механик багаж, цахилгаан багаж, хийн багаж, гидравлик багаж, гагнуур, механизмын багаж, зүсэгч багаж, тариалангийн багаж
    6. Барилгын материал
      Обой, плита, ламинатан шал
      Санитар
      Барилга болон дотоод засал чимэглэлийн материал
      Барилгын төмөр эдлэл
    7. Химийн гаралтай бүтээгдэхүүн
      Химийн бодисууд: Натрийн нийлмэл, калийн нийлмэл, кальцийн нийлмэл, борын нийлмэл, манганы нийлмэл, хромын нийлмэл, цайрын нийлмэл, магнийн нийлмэл, хөнгөн цагааны нийлмэл, дан химийн бүтээгдэхүүн, түлш, тосон бүтээгдэхүүн, органик химийн бүтээгдэхүүн, эфир, бусад химийн бодисууд
      Будаг
      Хуванцар бүтээгдэхүүн
      Тариалангийн хэрэгсэл: бордоо, эм бэлдмэл
      Шатаагч бодис: Дарь, дэлбэлэгч бодис, газ болон бусад шатаагч бодисууд
      Химийн туршилтын бодисууд
    8. Импортын бараа /Хятад улсад импортоор орж ирдэг бүтээгдэхүүн/
      Цахилгаан болон гэр ахуйн цахилгаан бараа:
      Барилгын материал болон төмөр багаж
      Механизмын тоног төхөөрөмж
      Аж үйлдвэрийн түүхий эд гэх мэт.

    Иймд бизнес эрхлэгч, үйлдвэрлэгч Та бүхнийг шинээр нэвтрүүлж буй орчин үеийн шинэ дэвшилтэт техник технологи, тус улсын томоохон үйлдвэрлэгч нартай газар дээр нь танилцаж судалгаа хийж өөрсдийн бизнесийн цар хүрээгээ тэлэхийг хүсвэл энэхүү бизнес аялалд оролцохыг урьж байна.

    2018 оны 3 дугаар сарын 30-ны өдөр хүртэл бүртгэнэ. 

    Дэлгэрэнгүй мэдээллийг дараах хаягаар авна уу.

    МҮХАҮТ-ын Гадаад харилцаа, худалдаа, хөрөнгө оруулалтын газар
    Утас: 99077781, 312501
    Weichat: 99077781
    Цахим шуудан: baigalmaa@mongolchamber.mn

    Хавсралт: Бүртгэлийн хуудас, Хөтөлбөр, зардлын мэдээлэл

    Арга хэмжээ