• MN
  • EN
  • CN
  • RU
  • Хүнсний салбарын холбоо, зөвлөлүүд нэгдэх шаардлагатайг онцоллоо
    06/25/2019

    Монгол Улсын Ерөнхийлөгчийн санаачилгаар “Хүнсний аюулгүй байдал, хангамж” сэдэвт Монголын хүнсчдийн онц чуулган МҮХАҮТ-ын их Танхимд өнөөдөр боллоо.

    Чуулганыг Ерөнхийлөгчийн Тамгын газар, Аюулгүй байдлын Үндэсний зөвлөл, ХХААХҮЯ, МҮХАҮТ,  Монголын Хүнсчдийн Холбоо хамтран зохион байгуулсан бөгөөд 21 аймгийн хүсний салбарын 60 гаруй төлөөлөл, ТББ, мэргэжлийн холбоод, МХХ-ны гишүүн 100 гаруй хүнс үйлдвэрлэгчид оролцлоо.

    УИХ-ын гишүүн, Монголын хүнсчдийн холбооны тэргүүн Д.Тэрбишдагва “Бид хүнсний аюулгүй байдлын талаар олон жил ярьж, маш олон хууль тогтоомжийг гаргасан. Уг чуулганаас салбарынхан зөвлөмж гаргаж, Үндэсний аюулгүй байдлын зөвлөлд өгнө. Бид өнөөдөр гадны зээл тусламж нийлсэн 28 тэрбум ам.долларын өртэй гэж ярьдаг. Тэгвэл энэ зээлийн нэг хувийг л хүнсний салбарт зарцуулбал Монгол Улсаа эх орныхоо хөрсөнд ургуулсан бүх төрлийн хүнсээр бүрэн хангах боломжтой. Манай холбоонд нийт 400 орчим аж ахуйн нэгж бүртгэлтэй байдаг” гэлээ.

    “Хүнсний салбарын бизнес эрхлэгчид нэгдэж бизнесийн орчноо сайжруулах нь” илтгэлийг МҮХАҮТ-ын Ерөнхийлөгч О.Амартүвшин тавьсан юм. Илтгэлд  “Өнөөдрийн чуулганаар хувийн хэвшлийнхэн хэрхэн нэгдэн, бизнесийн орчноо хэрхэн хамгаалж хөгжүүлэх вэ гэдэгт асуудлыг авч ярилцлаа.  МҮХАҮТ-аас хүнс үйлдвэрлэгчид бид асуудлаа өөрсдөө шийдэх ёстой гэсэн байр суурьтай байгаа. Танхим дээрээ салбар зөвлөлөө байгуулан, нэгдсэн бодлоготой байж төртэйгээ ойлголцоно. Тус тусдаа үйл ажиллагаа явуулдаг олон ТББ-ууд хоорондоо зөрчилдөхөөс цаашгүй, салбарын дэмжлэгийг авч чадахгүй байгаа юм. Ийм нөхцөлд төрийн бодлого ч үр дүнгүй, хүнс үйлдвэрлэгчид ч хөгжихгүй. Төрөөс хүсэхээс илүүтэй асуудлаа өөрсдөө тодорхойлон дэвшүүлэх нэгдмэл зорилготой болох нь зөв. Ингэснээр хяналт шалгалт бодлогын дэмжлэгийг төр, засагтайгаа хэлэлцэн, хууль эрх зүйн орчноо ч сайжруулах боломжтой болно” гээд үйл ажиллагаагаа нэгдмэл болгон, “Хүнсчдийн танхим”-ыг байгуулах нь зүйтэй гэсэн саналыг дэвшүүллээ.

    Latest 150
    Latest 150