ЦАХИЛГААН ДАМЖУУЛАХ ҮНДЭСНИЙ СҮЛЖЭЭ ТӨХК-ийн инженер, техникийн ажилтнууд “Үйлдвэрлэлийн дадлагажуулагч”-ийн хөтөлбөрт хамрагдлаа
Германы Олон Улсын Хамтын Ажиллагааны Нийгэмлэг “Монгол улсын тогтвортой эрчим хүчний чадавхийг бэхжүүлэх” төслийн дэмжлэгээр ЦАХИЛГААН ДАМЖУУЛАХ ҮНДЭСНИЙ СҮЛЖЭЭ ТӨХК-ийн Говийн бүс, Хангайн бүс, Төвийн бүс, Улаанбаатар хот, Зүүн өмнөд бүс буюу нийт 5 бүсийн 22 инженер, техникийн ажилтнууд “Үйлдвэрлэлийн дадлагажуулагч”-ийн хөтөлбөрт хамрагдлаа.
Үйлдвэрлэлийн дадлагажуулагчийн хөтөлбөр нь компани дээрх хосмог сургалтыг удирдах мэдлэг, ур чадварыг эзэмшүүлдэг ба цаашид МҮХАҮТ дээр зохион байгуулагдах юм.
Тус сургалтыг Үйлдвэрлэлийн дадлагажуулагч бэлтгэх сургагчдын нэгдсэн холбоо НҮТББ-ийн сургагч багш нар Дархан-Уул аймгийн Политехник коллеж болон болон Улаанбаатар хотын Монгол Солонгосын Политехник коллеж дээр амжилттай зохион байгууллаа.
2024-2025 оны хичээлийн жилд “Өндөр хүчдэлийн техникч” хөтөлбөрийг ажил олгогчдын хамтын ажиллагаанд суурилан хосмог сургалтаар Налайх ПК, Дархан ПК дээр хэрэгжүүлж эхлэх юм.