МҮХАҮТ, Бүгд Найрамдах Солонгос улсын “Эс Эйч” компанитай хамтын ажиллагааны санамж бичиг байгууллаа.
МҮХАҮТ, Бүгд Найрамдах Солонгос улсын “Эс Эйч” компанитай хамтын ажиллагааны санамж бичгийг өнөөдөр байгууллаа. “Эс Эйч” компани нь эрүүл мэндийн аялал жуулчлалын зах зээлийг өргөжүүлэх, цахим худалдааны бизнесийг дэмжих зорилго тавин ажиллаж буй томоохон байгууллага юм.
Тус компанийн 2025 оны зорилго нь Монгол Улсын нийт 20 мянга орчим хүний эрүүл мэндийн аялал жуулчлалын хэрэгцээний 70 хувийг хангах бөгөөд энэ хүрээнд хамтарсан бизнес уулзалтууд, арга хэмжээнүүдийг зохион байгуулж, хоёр орны бизнес эрхлэгчдийг холбох, шинэ түншлэл бий болгох чиглэлээр хамтран ажиллах юм.
Санамж бичгийн хүрээнд МҮХАҮТ болон “Эс Эйч” компани хоорондын хамтын ажиллагаа эрчимжиж, Монголын бизнесийн орчинд шинэ боломжуудыг нээж, эрүүл мэндийн аялал жуулчлалын салбарын хөгжилд хувь нэмэр оруулах болно.