Олон улсын Хөдөлмөрийн байгууллагын Хятад, Монгол дахь товчооны газрын захирал Чанхи Лиг хүлээн авч уулзлаа
Монголын Үндэсний Худалдаа Аж Үйлдвэрийн Танхим Олон улсын Хөдөлмөрийн байгууллагатай хамтын ажиллагаагаа өргөжүүлж байна. МҮХАҮТ-ын Гүйцэтгэх захирал Т.Дүүрэн болон Ерөнхий Нарийн бичгийн дарга С.Баясгалан нар Олон улсын Хөдөлмөрийн байгууллагын (ОУХБ) Хятад, Монгол дахь товчооны газрын захирал Чанхи Ли-г хүлээн авч уулзлаа.
Энэхүү уулзалтын үеэр Монгол улс дахь хөдөлмөрийн салбарын шинэчлэл, хөдөлмөрийн зах зээлийн өнөөгийн байдал болон тус салбарт тулгамдаж буй асуудлуудыг хэлэлцэв. Мөн хоёр байгууллага Монголын хөдөлмөрийн зах зээлийн хөгжил, чанарыг улам сайжруулах чиглэлд олон шинэ төсөл, хөтөлбөрүүдийг хамтран хэрэгжүүлэхээр санал солилцлоо.
МҮХАҮТ болон ОУХБ нь 2023 оноос эхлэн хамтын ажиллагаагаа эрчимжүүлж, хүний нөөцийн чадавхыг бэхжүүлэх, гишүүнчлэлийн стратеги боловсруулах, албан бус секторыг албажуулах хүрээнд хамтран ажиллаж байгаа юм.