“Монгол-Казахстаны ажил хэргийн зөвлөл”-ийн даргыг сонголоо
Монголын Үндэсний Худалдаа Аж Үйлдвэрийн Танхим (МҮХАҮТ)-ийн дэргэдэх “Монгол-Казахстаны ажил хэргийн зөвлөл” ээлжит хурлаа танхим болон цахимаар зохион байгууллаа. Энэ хурлаар “Монгол-Казахстаны ажил хэргийн зөвлөл”-ийн дарга сонгох талаар хэлэлцсэн юм.
Зөвлөлийн даргад “Жинст цамхаг” ХХК-ийн ерөнхий захирал Г.Пүрэвсүрэн, "NCD" группийн Үйл ажиллагаа хариуцсан захирал У.Мөнхзул, Инвескор санхүүгийн группийн Эрсдэл дотоод аудит хариуцсан захирал Р.Пүрэв нар дэвшив.
Ингээд “Жинст цамхаг” ХХК-ийн ерөнхий захирал Г.Пүрэвсүрэн өөрийн саналаар нэрээ түдгэлзүүлж, цаашид судалгаа зөвлөгөө өгөх чиглэлээр хамтран ажиллах сонирхолтой байгаагаа илэрхийлсэн бол бусад нэр дэвшигчид өөрсдийн хийх ажлын төлөвлөгөө болон туршлагаа танилцуулсан.
Хурлын төгсгөлд зөвлөлийн даргаар "Инвескор" санхүүгийн группийн Эрсдэл дотоод аудит хариуцсан захирал Р.Пүрэвийг гишүүдийн олонхийн саналаар сонгож баталлаа.