“Дэвшилд хөтөлсөн жаран: Монголын тод компаниуд” номонд бизнесийн түүхээ мөнхлөхийг урьж байна
МҮХАҮТ 1960 онд байгуулагдсан цагаасаа Монгол Улсын бизнесийн орчныг сайжруулах, бизнес эрхлэгчдийнхээ нийтлэг эрх ашгийг хамгаалах, дуу хоолойг төлөөлөх, дэмжин урамшуулах чиглэлээр олон талт үйл ажиллагаа явуулж ирсэн бөгөөд энэ онд бидний 60 жилийн түүхэн ой тохиож буй.
Энэхүү 60 жилийн ололт, амжилт, сургамжийг “Дэвшилд хөтөлсөн ЖАРАН” уриан дор нэгтгэн тэмдэглэх бөгөөд төвлөрсөн төлөвлөгөөт эдийн засгаас чөлөөт зах зээлд шилжих үед хувийн хэвшлийн өнгө төрхийг олон, өнөөдрийг хүртэл амжилттай ажиллаж, Монгол Улсын эдийн засаг, бизнесийн хөгжилд онцгой хувь нэмэр оруулж яваа компаниудын бизнесийн замналыг өгүүлсэн нэгдсэн танилцуулга-номыг бүтээхээр бид ажиллаж байна.
Өнөөгийн Монгол Улсын нүүр царай болж, ачааны хүндийг нэр төртэй үүрч яваа бизнес эрхлэгч, ААН Та бүхэн энэхүү “ДЭВШИЛД ХӨТӨЛСӨН ЖАРАН: МОНГОЛЫН ТОД КОМПАНИУД” номонд орсноор Таны бизнесийн баялаг түүх хойч үеийнхэнд ТОД-оор тэмдэглэгдэн үлдэхийн сацуу Монгол Улсад компанийн засаглал бэхжиж, бизнесийн соёл уламжлагдан хөгжихөд үлгэр дууриал, үндэсний бахархлын “сурах бичиг” болох юм. Мөн англи хэлээр хэвлэгдэн МҮХАҮТ-ын олон улсын түнш 100 гаруй орны Танхимууд, худалдааг дэмжих байгууллагуудад хүргэгдэнэ.
Номын хэвлэгдэх хувь: 10.000 ширхэг
Номын тухай: Ном А4 хэмжээтэй хэвлэгдэнэ. Нэг компанид ногдох нүүр 3 хуудас буюу 6 нүүр байна. Номд орох мэдээллийг шилдэг сэтгүүлчдээс бүрдсэн уран бүтээлийн баг нийтлэл хэлбэрээр боловсруулж гаргана.
Номын имиж: Ном хатуу хавтастай бүтээгдэх бөгөөд компаниудын имиж бүхий супер хавтастай байна.
Номын түгээлт: Оролцсон ААН тус бүрт 100 ширхэгийг олгоно.
ААН-үүдэд олгох давуу тал: ААН-үүд өөрт ногдох 100 ширхэг номын хавтасыг компанийнхаа имижээр хэвлүүлэх боломжтой. Ном англи хэлээр мөн хэвлэгдэнэ.
Харилцах утас: 7727-7070 (2)
Цахим шуудан: orgil0369@gmail.com, membership@mongolchamber.mn