Жижиг дунд бизнес эрхлэгчдэд маркетингийн зөвлөгөө өгөх өдөрлөг боллоо
Монголын Үндэсний Худалдаа, Аж Үйлдвэрийн Танхимаас гишүүн байгууллагууд, бизнес эрхлэгчдэд зах зээлээ өргөжүүлэх, өрсөлдөх чадвараа нэмэгдүүлэхэд нь дэмжлэг үзүүлэх зорилгоор Монголын Маркетингийн Холбоотой хамтран “Маркетингийн зөвлөгөө өгөх нээлттэй өдөрлөг”-ийг гурав дахь жилдээ зохион байгууллаа.
Өдөрлөгт тодорхой чиглэлүүдээр мэргэшсэн 24 зөвлөх оролцож, 240 жижиг, дунд бизнес эрхлэгчдэд маркетингтай холбоотой зөвлөгөө өгсөн юм. Жижиг, дунд бизнес эрхлэгчид хүний нөөц, хөрөнгө санхүүгийн боломжоос хамааран тусгайлсан маркетингийн нэгжгүй байх нь элбэг. Мөн Ковид-19 цар тахлын үед жижиг дунд бизнес эрхлэгчдийн өмнө цөөнгүй саад бэрхшээл, сорилтууд тулгараад байгаа энэ цаг үед маркетингийн зөвлөхтэй нэг бүрчлэн уулзаж, өөрсдийн тулгамдсан асуудалд шийдэл, шинэ санааг олж авах боломж бүрдэж байгаа нь өдөрлөгийн давуу тал байлаа.
Жижиг дунд бизнес эрхлэгчдийн зүгээс маркетингийн судалгаа, борлуулалтын арга, хэрэгсэл, нийгмийн сүлжээний маркетинг, хэрэглэгчидтэй хэрхэн холбогдох, эвент, арга хэмжээ зохион байгуулах, хүчирхэг брэнд бүтээх, зар сурталчилгаа, идэвхжүүлэлт, үнэ тогтоох аргачлал, маркетингийн албаны чиг үүрэг, бүтээгдэхүүн хөгжүүлэх үйл явц зэрэг зөвлөгөө авах чиглэлээ сонгож урьдчилан бүртгэл үүсгэн тус өдөрлөгт оролцож, мэдээлэл авав.
![](/resource/mongolchamber/image/2022/05/19/y5c8fravxypksc80/282047684_2.jpg)
![](/resource/mongolchamber/image/2022/05/19/0j48q50qgt7wg7g6/282047684_4.jpg)
![](/resource/mongolchamber/image/2022/05/19/9rm2ibyrj0yi5mgk/282047684_5.jpg)
![](/resource/mongolchamber/image/2022/05/19/vo4fhv14lhxadyaj/282047684_6.jpg)
![](/resource/mongolchamber/image/2022/05/19/jdm2g52pnybd10k9/282047684_7.jpg)
![](/resource/mongolchamber/image/2022/05/19/isgk0k595c3svafr/282047684_8.jpg)
![](/resource/mongolchamber/image/2022/05/19/bi0fe57eo4r33er9/282047684_9.jpg)
![](/resource/mongolchamber/image/2022/05/19/lml7iqpsw6b7qtqr/282047684_10.jpg)