Жижиг, дунд үйлдвэрлэгчдээс шилдэгүүдийг тодрууллаа
Монголын Үндэсний Худалдаа Аж Үйлдвэрийн Танхим, Жижиг, дунд үйлдвэрийн газар, Нийслэлийн Засаг даргын Тамгын газар хамтран “Жижиг Дунд Үйлдвэрийн Бүтээгдэхүүн, Үйлчилгээ, Технологи-2022” Олон улсын үзэсгэлэн худалдааг 24 дэх жилдээ 2022 оны 5 дугаар сарын 19-22-ны өдрүүдэд амжилттай зохион байгуулж дууслаа.
Энэ удаагийн үзэсгэлэнд нийслэл орон нутгийн нийт 90 гаруй жижиг дунд ААН, хувиараа бизнес эрхлэгчид оролцож, үүний дотор хөдөө орон нутгаас Дархан, Орхон, Өвөрхангай, Сэлэнгэ, Төв, Хөвсгөл аймгууд оролцож, бараа бүтээгдэхүүнээ танилцуулав.
Үзэсгэлэнгийн ивээн тэтгэгч байгуулагаар Германы олон улсын хамтын ажиллаганы нийгэмлэг Жи Ай Зет, АПУ ХК, Глобал Трейдинг Девелопмент ХХК, Азийн сангийн Бизнес эрхлэгч эмэгтэйчүүдийн төв дэмжин оролцож байгаад талархлаа илэрхийлье.
Үзэсгэлэнгийн шалгаруулалтад нийт 50 байгууллагын бүтээгдэхүүн, үйлчилгээ нэр дэвшин өрсөлдсөнөөс шилдгээр шалгарсан 13 байгууллага, тэдний бүтээгдэхүүн, үйлчилгээ шалгарлаа.
Монгол Улсын Засгийн газрын хэрэгжүүлэгч агентлаг Жижиг Дунд Үйлдвэрийн Газрын нэрэмжит шагналаар
- Агни ХХК,
- Хүрэн бүдүүн хайрхан ХХК
- Жожил даян ХХК
Оюуны өмчийн газрын нэрэмжит шагналаар
- Мон энзим ХХК
Үзэсгэсгэлэнгийн зохион байгуулах хорооны нэрэмжит шагнал:
- ЭКО ЭРДЭНЭ ХХК-ийн “ЧАЧА”, “АНИ” сулавтар хийжүүлсэн цэвэр чацаргана болон аньсны шүүстэй бүтээгдэхүүнийг ОНЦЛОХ ШИНЭ ХҮНСНИЙ БҮТЭЭГДЭХҮҮНЭЭР
- СИЛКРОУД МЭЖИК ХХК-ийн Шар сүүний гурван төрлийн ундаа бүтээгдэхүүнийг ОНЦЛОХ ШИНЭ БҮТЭЭГДЭХҮҮНЭЭР
- АПУ ХК-ийн “СЭНГҮР” брэнд бүтээгдэхүүнийг ОНЦЛОХ ЭКСПОРТЫН БҮТЭЭГДЭХҮҮНЭЭР
- АЛТАН БИОПЛАС ХХК-ийн “БИОПЛАС БАРАГШУН” бүтээгдэхүүнийг ОНЦЛОХ ЭКСПОРТЫН БҮТЭЭГДЭХҮҮНЭЭР
- ГЛОБАЛ ТРЕЙДИНГ ДЕВЕЛОПМЕНТ ХХК-ийн “STAR BALM”, “NIXODERM”, “CLICKS”, “KOPI LUWAK” дэлхийн брэндүүдийг ОНЦЛОХ ИМПОРТЫН БҮТЭЭГДЭХҮҮНЭЭР
- АЛЬФА ФИЛТЕР ХХК-ийн “АГААР ШҮҮГЧ” бүтээгдэхүүнийг тус үзэсгэлэнгийн ИМПОРТЫГ ОРЛОХ БҮТЭЭГДЭХҮҮНЭЭР
- ЦЭЦЭГТ МЭНДЧИЛГЭЭ ХХК-ийн ТӨРӨЛ БҮРИЙН ЦЭЦГИЙН БАГЛАА бүтээгдэхүүнийг ШИНЭЛЭГ ҮЙЛЧИЛГЭЭ НЭВТРҮҮЛЭГЧ байгууллагаар
- ТРЭНД МЕБЕЛЬ ХХК-ийг тус үзэсгэлэнгийн ҮЛГЭР ЖИШЭЭ ОРОЛЦОГЧООР
- АПУ ХК -ийг тус үзэсгэлэнгийн ҮЛГЭР ЖИШЭЭ ОРОЛЦОГЧООР
- БОЖСС КОСМЕТИК ХХК-ийн Дэлхийд өрсөлдөх монгол брэндийн төрөл бүрийн гоо сайхны бүтээгдэхүүнийг тус үзэсгэлэнгийн ШИЛДЭГ САВ БАГЛАА БООДОЛТОЙ БҮТЭЭГДЭХҮҮНЭЭР
- ХИАН ГРУПП ХХК-ийн “НҮҮДЭЛЧИН СЭРЭХҮЙ” брэнд төслийн бүтээгдэхүүнүүдийг ҮНДЭСНИЙ ӨВ СОЁЛ, УЛАМЖЛАЛ ШИНГЭЭСЭН БҮТЭЭГДЭХҮҮНЭЭР
- TS BRAND ХХК-ийн Төрөл бүрийн арьсан урлалын бүтээлүүдийг ХЭРЭГЛЭГЧДИЙН ТААШААЛД НИЙЦСЭН БҮТЭЭГДЭХҮҮНЭЭР
- БОСА КОНДИТЕР ХХК-ийн МОНКОНДИ Брэндийн чихрэн бүтээгдэхүүнүүдийг ХЭРЭГЛЭГЧДИЙН ТААШААЛД НИЙЦСЭН БҮТЭЭГДЭХҮҮНЭЭР
Үзэсгэлэнгийн дээд шагнал Гранд При
Компанийн нийгмийн хариуцлагыг гүнээ ухамсарлан, ажлын байр нэмэгдүүлж, шилдэг санаа, шинэ технологи нэвтрүүлэн олон улсын чанар, стандартад нийцсэн Монгол Улсад үйлдвэрлэсэн ноолууран бүтээгдэхүүнийг дотоодын болон гадаадын зах зээлд нийлүүлж байгааг өндрөөр үнэлэн “ГУРВАН СОР” ХХК-д тус үзэсгэлэнгийн ДЭЭД ШАГНАЛ “ГРАН-ПРИ” ЦОМ, ХҮНДЭТ ӨРГӨМЖЛӨЛ олгов.