Япон Улсын Эдийн засаг, худалдаа, аж үйлдвэрийн яамны төлөөлөлтэй уулзлаа
Япон Улсын Эдийн засаг, худалдаа, аж үйлдвэрийн яамны Худалдааны бодлогын хорооны Худалдааны бодлого хариуцсан дэд дарга Хачияама Кожи нарын төлөөлөгчид өнөөдөр МҮХАҮТ-ын холбогдох албан тушаалтнуудтай уулзалт хийлээ. Уулзалтаар Монгол-Японы төр, хувийн хэвшлийн 11 дэх удаагийн зөвлөлдөх уулзалтыг Улаанбаатар хотноо ойрын хугацаанд зохион байгуулах төлөвлөгөө, бэлтгэл ажлын талаар санал солилцов. Энэ удаагийн зөвлөлдөх уулзалтыг дижиталчлал, цахим аж үйлдвэрлэл, эрүүл мэнд, гарааны бизнес, бизнесийн эрхзүйн орчин зэрэг сэдвийн хүрээнд зохион байгуулахаар төлөвлөж байгаа бөгөөд Монгол Улс, Япон Улсын Засгийн газар 2016 онд байгуулсан Эдийн засгийн түншлэлийн хэлэлцээрийн хэрэгжилтийн асуудлыг мөн зөвлөлдөх уулзалтын хөтөлбөрт оруулахаар тохиролцов.
Мөн уулзалтын үеэр Япон Улсын Осака хотод 2025 оны 4 дүгээр сард нээлтээ хийх Дэлхийн экспод Монгол Улс оролцох талаар, Дэлхийн экспогийн үеэр буюу 7 дугаар сарын 27-ны өдөр болох Монголын үндэсний өдөрлөг, бизнес форумын зохион байгуулалтын талаар мэдээлэл солилцлоо.