"Монгол-Казахстаны бизнес форум" зохион байгуулах талаар санал солилцлоо
Монгол Казахстаны бизнес форумыг ирэх аравдугаар сарын сүүлийн долоо хоногт Монгол Улсад хийх тов гараад байна. Тус форумыг хэрхэн зохион байгуулах талаар Бүгд Найрамдах Казахстан Улсын «Kazakh Invest» ХК-ийн Хөрөнгө оруулалт, маркетингийн газрын орлогч захирал Суанкулова Асель Нуржановна МҮХАҮТ-д өнөөдөр /2024.09.27/ хүрэлцэн ирж МҮХАҮТ-ын дэд захирал Ц.Магнайбаатартай санал солилцлоо.
Монгол, Казахтсан Улс хоорондын худалдааны нийт эргэлт 2019 онд 35.3 сая ам.доллар байсан бол 2023 онд 76.7 сая ам.доллар болж 117 хувиар нэмэгдсэн дүнтэй байна. 2023 оны байдлаар хоёр улсын худалдааны нийт эргэлтийн 71.3 хувийг Монгол Улсын импорт эзэлж байгаа бол 28.7 хувийг Монгол Улсын экспорт эзэлж байна.
2024 оны есдүгээр сарын 12-нд МҮХАҮТ, Казахстан Улсын ОУХАҮТ-тай “Монгол-Казахстаны хамтарсан бизнес зөвлөл” байгуулах санамж бичиг байгуулсан билээ.