“Улаанбаатар түншлэл-2024” үзэсгэлэнд оролцсон гадаад болон дотоодын аж ахуй нэгжүүдийг хүлээн авч, шагнал гардууллаа

2024/09/27 0

МҮХАҮТ-аас “Улаанбаатар Түншлэл-2024” олон улсын үзэсгэлэнг энэ жил 49 дэх жилдээ амжилттай зохион байгуулж байна. Энэхүү үзэсгэлэнд ОХУ, Бүгд Найрамдах Беларусь Улс, БНХАУ, БНСУ зэрэг олон улсын 50 гаруй бизнес эрхлэгчид, Монгол Улсын 40 гаруй үндэсний үйлдвэрлэгчид, бизнес эрхлэгчид оролцож, төрөл бүрийн бүтээгдэхүүнээ олон нийтэд дэлгээд буй.

Тэгвэл энэ үдэш тус үзэсгэлэнд оролцогчдын хүндэтгэлийн хүлээн авалт боллоо. Энэ үеэр МҮХАҮТ-аас гадаадаас хүрэлцэн ирсэн аж ахуй нэгжүүдийн төлөөллүүдэд шагнал гардуулж, цаашдын хамтын ажиллагаанд амжилт хүсэн, баяр хүргэлээ.

Ц.МАГНАЙБААТАР: ОХУ-ААС ИРСЭН КОМПАНИУД ХАМТЫН АЖИЛЛАГААНЫ ГЭРЭЭ БАЙГУУЛСАН ТААТАЙ МЭДЭЭ БАЙНА
Хүлээн авалтын үйл ажиллагааны үеэр МҮХАҮТ-ын дэд захирал Ц.Магнайбаатар үг хэлэв.
Тэрбээр “Улаанбаатар түншлэл-2024” үзэсгэлэн нээлтээ хийгээд хоёр дахь өдрөө үргэлжилж байгаа ч гэсэн таатай мэдээллүүд ар араасаа ирж байна. ОХУ-аас ирсэн аж ахуй нэгжүүд хамтын ажиллагаа, худалдааны гэрээ хэлэлцээрүүд хийсэн байна. Цаашид энэ үзэсгэлэн хоёр хоног үргэлжилнэ. Энэ хугацаанд хамтын ажиллагаа нь улам өргөжиж, олон гэрээ хэлэлцээр байгуулна гэж найдаж байна. Үзэсгэлэнг зохион байгуулахад дэмжлэг үзүүлж ажилласан “Есөн шижир” ББСБ-ынхандаа баярлаж талархсанаа илэрхийлье. Зохион байгуулах хороонд ажиллаж байгаа манай мэргэжлийн байгууллагуудын төлөөлөл болон гадаад, дотоодын аж ахуй нэгжүүдийн төлөөлөлдөө баярлалаа. Энэ үзэсгэлэнгээр дамжуулаад дотоодын аж ахуй нэгжүүд гадаадын зах зээлд гарах сувгууд нээгдэх байх. Бидэнд цаашид төлөвлөсөн ажлууд ч их байна. МҮХАҮТ бизнесийн таатай орчин бүрдүүлэхийн төлөө ажиллаж байдаг юм шүү” гэлээ.

-ДОТООДЫН АРВАН КОМПАНИЙГ ХҮНДЭТ ӨРГӨМЖЛӨЛӨӨР ШАГНАВ-
Ингээд дараа нь дотоодын аж ахуй нэгжүүдэд дараах шагналыг гардууллаа.
1. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “ТӨГС УУРАГ” ХХК-гийн “ТӨГС БИО” нэрийн хөлдөөж хатаасан тараг бүтээгдэхүүнийг тус үзэсгэлэнгийн “Дэвшилтэд технологитой бүтээгдэхүүнээр”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

2. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “СҮҮ” ХК-гийн “HI FIT” пробиотик ёогурт бүтээгдэхүүнийг тус үзэсгэлэнгийн “ШИНЭ ХҮНСНИЙ БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

3. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “ХУСТАЙН БАЯСЛАГ” ХХК-гийн Гоуда бяслаг бүтээгдэхүүнийг тус үзэсгэлэнгийн “ОНЦЛОХ ШИНЭ ХҮНСНИЙ БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

4. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “ЭМ ЖИ КАШМЕР ГРУПП” ХХК-гийн “Хүүхдийн ноолууран” бүтээгдэхүүнийг тус үзэсгэлэнгийн “ИМПОРТЫГ ОРЛОХ БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

5. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “МАТУМИ СФИЭР” ХХК-ийг тус үзэсгэлэнгийн “ДЭВШИЛТЭД ТЕХНОЛОГИ ИННОВАЦ ШИНГЭЭСЭН БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

6. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “ПАШМИНА” ХХК-ийн “ГУАУР” Ноолууран бүтээгдэхүүний брэнд бүтээгдэхүүнийг тус үзэсгэлэнгийн “ОНЦЛОХ ЭКСПОРТЫН БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

7. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “НОМАД ПЕТС” ХХК-ийн нохойд зорулсан төрөл бүрийн амттан бүтээгдэхүүнийг тус үзэсгэлэнгийн “ОНЦЛОХ ЭКСПОРТЫН БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

8. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “МАХ ИМПЕКС” ХК-ийн “УЛААНБААТАР” нэрийн бүтэн утлагат хиам бүтээгдэхүүнийг тус үзэсгэлэнгийн “ХЭРЭГЛЭГЧИЙН ТААШААЛД НИЙЦСЭН БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

9.Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “ЕСӨН ШИЖИР ИНВЕСТ” ББСБ-г тус үзэсгэлэнгийн “ШИЛДЭГ ҮЙЛЧИЛГЭЭНИЙ БАЙГУУЛЛАГА”-р шалгаруулан Зохион Байгуулах Хорооны цом, Хүндэт өргөмжлөлөөр шагнав.

10. Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцсон “ГУРВАН СОР” ХХК-ийн ноолууран бүтээгдэхүүнийг үзэсгэлэнгийн “ХЭРЭГЛЭГЧИЙН ТААШААЛД НИЙЦСЭН БҮТЭЭГДЭХҮҮН”-ээр шалгаруулан Зохион Байгуулах Хорооны цом, Хүндэт өргөмжлөлөөр шагнав.

-“ОЧИР ДАГИНАС” ХХК-ИЙГ ҮЗЭСГЭЛЭНГИЙН ДЭЭД ШАГНАЛ ГРАН-ПРИ ЦОМООР ШАГНАВ-

11. Харин хамгийн сүүлд Монголын Үндэсний Худалдаа Аж Үйлдвэрийн Танхимаас зохион байгуулсан “Улаанбаатар Түншлэл 2024” Олон улсын намрын үзэсгэлэн яармагт амжилттай оролцож, олон улсын стандартад нийцсэн бүтээгдэхүүнээр хэрэглэгчдийн итгэлийг хүлээж, ажлын байрыг тогтмол нэмэгдүүлэн, нийгмийн хариуцлагаа ухамсарлан хүнсний салбартаа бусдыгаа манлайлан, ДНБ болон улсын төсвийг бүрдүүлэхэд жинтэй хувь нэмрээ оруулан ажиллаж байгаа “ОЧИР ДАГИНАС” ХХК-д үзэсгэлэнгийн ДЭЭД ШАГНАЛ ГРАН-ПРИ ЦОМ, ХҮНДЭТ ӨРГӨМЖЛӨЛ ОЛГОВ.